Сунъий интеллект билан кучайиш навбати Opera'га келди
Microsoft компанияси ўзининг сунъий интеллект технологиясига асосланган Bing қидирув тизими ва Edge браузерини тақдим қилганидан бир неча кун ўтиб, Opera ҳам ўзининг ChatGPT билан ишлайдиган янги функциясини эълон қилди.
Opera ўзининг янги функция қандай ишлашини кўрсатиб берувчи видеони улашди. Унга кўра, сиз манзил сатрининг ўнг томонидаги "shorten", яъни ўзбек тилида "қисқартириш" тугмасини босиш орқали функцияни фаоллаштиришингиз мумкин. Шунда браузернинг чап томонидан янги ойна очилади ва сизга мақола ёки веб-саҳифанинг хулосавий мазмуни чиқариб беради.
Айтиш мумкинки, Opera браузерининг янги функцияси шунчаки ChatGPT билан интеграциялашган хусусият бўлса, Microsoft'нинг Edge браузерига қўшилаётган сунъий интеллект функциялари билан сиз ҳатто ижтимоий тармоқлар учун постлар ёза оласиз ҳам.
Афсуски, "shorten" функцияси ҳали ҳамма учун очиқ эмас. Ян Стандел, Opera компаниясининг маркетинг ва коммуникациялар бўйича вице-президентининг The Verge нашрига маълум қилишича, янги хусусият тез орада ишга тушади.
ЎҚИНГ: Microsoft ChatGPT билан кучайтирилган Bing қидирув тизимининг янги версиясини тақдим қилди!
