Beeline тўққиз йилдан бери амалиётчиларни ишга таклиф этмоқда
Beeline алоқа оператори «Учинчи авлод-2017» дастурининг барча саралаш босқичларидан муваффақиятли ўтган иштирокчилар компанияда амалиёт ўташга киришаётгани ҳақида хабар беради. Дастур VEON‘нинг "Make Your Mark" глобал лойиҳаси доирасида бўлиб ўтмоқда.
Бу йили Тошкент Ахборот технологиялари университети, Ҳалқаро Вестминстер университети, Тошкентдаги Cингапур менежментни ривожлантириш университети, Тошкент давлат шарқшунослик институти, Тошкент давлат техника университети, Ўзбекистон давлат жаҳон тиллари университети, Г.В. Плеханов номидаги Россия иқтисодиёт университетининг филиали, М.В. Ломоносов номидаги Москва Давлат Университети талабалари «Учинчи авлод» амалиётчиларига айландилар. Beeline‘нинг қуйидаги бўлимларида амалиёт ўташ дастури очилди.
Техник дирекцияси;
Ахборот технологиялари дирекцияси;
Тижорат дирекцияси;
Ҳодимлар билан ишлаш ва жамоани ривожлантириш дирекцияси;
Маъмурий дирекцияси.
Воқеани шарҳлар экан, Unitel‘нинг ҳодимлар билан ишлаш ва жамоани ривожлантириш бўйича директори София Гайнутдинова шундай деди: “Тўққиз йилдан бери Beeline ёш ва иқтидорли ёшларнинг ривожланиши учун ноёб имкониятлар яратиб келмоқда. Ёш талабалар учун бу меҳнат тажрибасини ошириш, ўқув пайтида олган билим ва кўникмаларини ишда қўллаш учун имкониятдир. Бундан ташқари, ўз истеъдодларини профессионал муҳитда тарғибот қилишлари учун имкондир. Ишонаман, биз танлаган амалиётчилар касбий юксакликларга етишиш учун барча кучларини тўплайдилар”.
Эслатиб ўтамиз, амалиёт ўташ бир йил давом этиб, иккита босқичдан ташкил топади. Биринчи босқич июндан август ойигача давом этиб, талабаларга таътил пайтида танланган бўлинмаларда тўлиқ бандлик билан стажировкани ўтишга имкон беради. Амалиёт ўташ дастурининг иккинчи босқичига ўзларини яхши томондан кўрсатган, кўпроқ даражада самарали бўлган талабалар ўтади. Улар компанияда 2018 йилнинг июнь ойигача, ҳам ишлаб, ҳам ўқиш имкониятини таъминлаган ҳолда, махсус мослаштирилган график бўйича ишлашни давом эттирадилар.
