Galaxy S10 нақ уч хил модификацияда чиқади, улардан бири Huawei P20 Pro’ни «ер тишлатади»!
Жанубий кореялик техногигантнинг Galaxy Note 9 фаблети тақдимоти нисбатан яқин. Аммо кўпчилик унинг кейинги йил бошида тақдим этиладиган Galaxy S10 флагманига қизиқмоқда.
ЎҚИНГ: Samsung’нинг иккита экранли смартфони – бу Galaxy S10 ёки Galaxy Note бўлиши мумкин
Жумладан, бугун – 25 июнь куни тарқалган маълумотларга кўра, Samsung Galaxy S10 смартфони уч хил модификацияда тақдим этилади. Компаниянинг ўнинчи авлод флагмани «Beyond» кодли номи остида тайёрланаётганидан хабарингиз бор. Унинг уч хил талқини ҳам тегишлича учта кодли ном билан аталмоқда.
Хулласи калом, «Beyond 0» коди остидаги қурилманинг дисплейи диагоналига 5,8 дюймга тенг, унинг экрани четлари қайрилма эмас, балки оддий смартфонлардаги сингари текис бўлиши айтилган. Шунингдек, бу девайснинг асосий камераси якка модулли бўлади.
ЎҚИНГ: Galaxy S10 илк «жонли» суратда – ром деган нарсанинг ўзи йўқ!
«Beyond 1» моделининг ўлчами ҳам шундай, фақат дисплейи флагманларга хос тарзда – четлари қайрилган. Бу модификация қўшалоқ бош камера билан таъминланади.
«Уч оға-ини ботирлар»нинг «катта»си – «Beyond 2» модели эса диагоналига 6,2 дюймлик дисплей билан жиҳозланади. Бу моделнинг асосий камераси учта объективли бўлиб, шу жиҳати билан ҳам Huawei P20 Pro’га муносиб рақиб бўлиши кутилмоқда.
ЎҚИНГ: Huawei "P20" тақдимоти олдидан Samsung ва Apple билан ўчакишмоқда
Мазкур смартфонларнинг «ички дунёси» – техник таъминоти ҳақида ҳозирча аниқ маълумотлар йўқ. Аммо кузатувчилар «Beyond 1» ҳамда «Beyond 2» бу жиҳатдан бир хил, «Beyond 0» эса сал «бундайроқ» бўлишини тахмин қилишаётир.
Дарвоқе, жанубий кореялик техногигантнинг аллақачон бозорга тақдим этилган турли русумлардаги «ақлли» телефонлари юртимиз бозорларида ҳам сотилмоқда.
