Huawei Honor Band 3 – «сувдан қўрқмас» смарт-билагузук! (+видео)
Яқинда бўлиб ўтган Honor 9 смартфони тақдимотида Huawei компанияси ўзининг бир қатор янги «ақлли» қурилмаларини ҳам намойиш этди. Улар орасида Honor Band 3 смарт-билагузуги алоҳида эътиборга лойиқ.
«Ақлли» билагузук махсус алгоритм бўйича юракнинг қисқаришлари частотасини узлуксиз таҳлил этиб бориши мумкин. Шунингдек, Honor Band 3 уйқуни мониторинг қилиш учун Huawei True Sleep технологиясини қўллайди.
Девайснинг олд томонида жойлашган 0,91 дюймлик экран қўлни юқорига кўтариш билан фаоллашиш функциясига эга. Бироқ Honor Band 3’нинг қизиқ хусусияти – унинг душда, бассейнда ва ёмғир остида ҳам бемалол ишлай олишидир.
Ушбу қурилма қувватлашсиз 30 кунгача, ёки пульсомердан фаол фойдаланиш режимида 10 кун хизмат қилади. Таъбга кўра, қора, кўк ёки апельсин рангли тасмачали билагузукни танлаш мумкин.
Honor Band 3 «ақлли» билагузугини мана бу ҳавола орқали ўтиб, Aliexpress онлайн бозоридан харид қилиш имкони мавжуд, унинг нархи 44.06 АҚШ долларига тенг.
