iPhone 8. Унинг ёнида ҳам экран бўлади…ми?
Смартфонлар бозорида рақобат кундан-кун ортиб бормоқда. Ишлаб чиқарувчи компаниялар фойдаланувчилар ҳали янги маҳсулотни “хазм қилиш”га улгурмай, кейинги авлод қурилмалари ҳақида маълумот тарқатмоқда. Бу ҳам ахборот, ҳам савдо бозори харидорларини ўзига жалб этишга қаратилган.
Шу кунларда YouTube`да iPhone 8 концепти ҳақидаги видеоролик пайдо бўлди. Лойиҳада қурилманинг ён тарафида базадаги функцияларни бошқари учун махсус экран ўрнатилгани кўрсатилган.
Смартфоннинг техник тавсифи: қурилма 8-ядроли Apple A10 процессор(2.5 ГГц такт частотали), PowerVW GT8600 графика, 6 ГБ оператив хотира, 12-мегапиксель фронталь ва 20-мегапиксель асосий камера ҳамда қуввати 3000мAс бўлган батарея билан таъминланган.
Асосий янгилик—смартфон четидаги овозни кўтариб-тушириш, экранни қулфлаш ва фотокамерага ўтиш учун мўлжалланган, анъанавий тугма ўрнидаги ён экран.
Қурилма iOS 10 асосида ишлайди ва юпқа алюмин корпусга эга. iPhone смартфонларининг ўн биринчи авлоди, видеода кўрсатилишча, яқин икки йил ичида савдога чиқарилади.
