Майнинг энг тезкор смартфонини биласизми?
AnTuTu бенчмарки экспертлари мунтазам равишда янги мобил алоқа қурилмаларини синовдан ўтказиб борадилар. Ҳар ойда жаҳоннинг энг самарали ва тезкор платформасига эга смартфонлари эълон қилинади. Бу рўйхатдан энг кучли ва ишончли гаджетлар ўрин эгаллайди. Ортимизда қолган май ойининг хулоса ҳамда ҳисоботлари ҳам тайёр. Хўш, Android смартфонлар орасида айни пайтда энг тезкори қайси девайс?
Хитойнинг Weibo порталида таниқли бенчмарк томонидан май ойидаги энг тезкор смартфонлар рейтинги эълон қилинди.
Мазкур рўйхатнинг энг юқорисида жорий йилда тақдим қилинган OnePlus 6 флагмани турибди. Бу смартфон самарадорлик бўйича 274910 балл тўплаган. 6.28 дюймли, 1080x2280 пиксел сиғимли экран матрицаси Super AMOLED. бош камера 16 мегапикселли ҳамда 20 мегапикселли сенсорлардан таркиб топган. Ундаги 3300 мА соат ток сиғимига эга аккумулятор Dash Charge тезкор қувват олиш технологияси билан таъминланган. Мазкур флагманнинг юртимиз бозорларида 600 АҚШ долларидан сотилиши кутилмоқда.
Ўқинг: Флагманлар кушандаси -- OnePlus 6 тақдим қилинди
Иккинчи ўрин эса Smartisan R1 смартфонига насиб қилган. Smartisan R1 смартфони корпуси шиша панел ҳамда алюминий ромдан ишланган. Девайсга 6,17 дюймли, Full HD+ (2240 x 1080 пикселли) сиғимли ҳамда томонлари нисбати 18,7:9 ўлчамли экран танланган. Smartisan R1 смартфонидаги бармоқ изи сканери экран остига жойлаштирилган. Smartisan R1 бош камераси қўш объективли бўлиб, 12+20 сенсорлардан таркиб топган. Унинг энг арзони $550 доллардан сотилади.
Ўқинг: Хитойда "инқилобий", илғор смартфон тақдим қилинди
Учинчи ўриндаги гаджет ҳам бизга яхши таниш -- Xiaomi Black Shark. Black Shark экранининг ўлчами диагоналига олти дюймга тенг, тасвир аниқлиги эса Full HD+ форматида – 2160х1080 пикселли. Умуман олганда, бу дисплей Razer смартфонидаги каби – 120 герцлик кадр янгиланиш частотасига эга. Шунингдек, у 550 кд/м2 даражада максимал ёрқинликка эгалигини алоҳида таъкидлаш ўринли.
Тўртинчи ўриндан олтинчи ўрингача бўлган жойлар Samsung ҳамда Xiaomi флагманлари томонидан забт этилган. Улар ҳам Qualcomm компаниясининг юқоридаги чипида ишлайди.
Еттинчи ўринни эса геймерларга мўлжалланган Nubia Red Magic мобилниги эгаллаган. Huawei компанияси ишлаб чиқарган Kirin 970 чипига эга флагманлар эса кучли смартфонлар ўнлигини якунлаб берган.
Шу тахлит, Snapdragon 845 платформаси ўзининг илғорлигини исбот қила олди ва оқлади. У Android оламидаги ягона кристалли энг кучли процессор.
AnTuTu июнда эълон қиладиган энг тезкор смартфонлар рейтингида сезиларли ўзгариш бўлишини кутиш мумкин. Боиси бу ойда барчанинг диққатини тортган Xiaomi Mi8 флагмани биринчилик учун кураш олиб боради. Барчасини биз билан кузатиб боринг!
