Мовийранг Samsung Galaxy S7 Edge билан танишамиз
Бундан бир неча кун олдин сайтимизда Samsung компанияси мовий рангдаги Samsung Galaxy S7 Edge версиясини тайёрлаётгани тўғрисида хабар бергандик. Куни кеча эса Аndroidauthority сайти мазкур рангдаги смартфоннинг расмий суратларини тақдим қилди.
Сайтнинг маълум қилишича, мазкур рангдаги Galaxy S7 Edge ноябрнинг биринчи ҳафтасида Жанубий Корея, Сингапур ва Тайванда сотувга чиқарилади. Аслида ушбу ранг (Blue Coral) аввалроқ ишлаб чиқарилиши тўхтатилган Galaxy Note 7 модели учун махсус яратилган эди. Фойдаланувчилар ҳам ушбу рангдаги гаджетлар тўғрисида ижобий фикр билдиришган.
Компаниянинг Тайвандаги офиси мовий рангли Galaxy S7 Edge моделининг нархини ҳам эълон қилди. Унга кўра мазкур рангдаги сўнгги флагман Тайванда 790 долларга сотилади. Ноябрь ўрталарида моделнинг АҚШдаги сотувлари ҳам бошланади.
