Qualcomm энди Huawei'га чип етказиб бериши мумкинлигини тасдиқлади
Ўтган ҳафта ўрталарида Qualcomm Huawei'ни баъзи маҳсулотлар билан таъминлаб бериш учун ва ниҳоят лицензияни қўлга киритгани ҳақида хабар тарқалган эди.
Ўшанда тарқалган ушбу хабар Хитой манбаларидан олинган миш-миш эди холос ва унинг асосли эканини билишнинг имкони бўлмаган. Энди эса, Qualcomm ушбу маълумот тўғри эканини тасдиқлади. Бу ҳақда Gizchina сайтига таяниб, GSMArena хабар бермоқда.
Qualcomm ўзининг оммавий баёнотида Хитой компаниясига 4G'ли чипсетларни етказиб бериш имконини берувчи лицензияни қўлга киритганини маълум қилди. Бу ўтган ҳафтадаги хабардаги маълумотга мос келади. Ўшанда Qualcomm ҳозирча Huawei'га 5G тармоғида ишлайдиган чипларни етказиб бера олмаслиги айтилганди.
Qualcomm қачондан бошлаб Huawei'ни 5G модемга эга чипсетлар билан таъминлай бошлаши мумкинлиги борасида ҳозирча маълумот йўқ, лекин хитойлик техногигант, агар АҚШ ҳукумати рухсат берса, Qualcomm билан ҳамкорлик қилишга тайёр эканини бир неча марта маълум қилган.
ЎҚИНГ: Geekbench аниқлик киритди: Mi 11 энг зўрми, Mate 40 Pro’ми ёки Galaxy S21?
