Samsung Z2 Ҳиндистонда 23 сентябрь куни тақдим этилади
Жанубий Кореялик гигант кейинги ойда Ҳиндистонда ўзининг Tizen платформасида ишлайдиган моделининг кейинги авлодини намойиш қилади. Смартфоннинг номи – Samsung Z2. Компания ўтган йили худди шу мамлакатда Samsung Z3 тақдимотини ўтказган эди.
Samsung компанияси томонидан ишлаб чиқилган операцион тизимда ишлайдиган ушбу смартфон 4 дюймли AMOLED экран, 1 ГБ тезкор хотира ваиккита SIM картага мўлжаланган слотга эга бўлиши айтилмоқда. Шунингдек, модель 4G VoLTE стандартида ҳам ишлайди. Смартфон транспорт бошқаруви пайтида аҳамиятли бўлган S Bike Mode режимини қўллаб-қувватлайди.
Samsung Z2 моделини Ҳиндистон, Бангладеш, Непаль, Шри-Ланка, Индонезия, Жанубий Африка, Нигерия ва Кения бозорларида сотиш режалаштирилган. Tizen операцион тизимида ишлайдиган ушбу сериядаги смартфонлар одатда ўртача техник параметрларга эга бўлиб, асосан арзон телефонларга эҳтиёж мавжуд бўлган мамлакатларда сотилмоқда.