Смартфон учун ажабтовур аксессуар: ихтирочи роботлаштирилган MobiLimb бармоғини кўрсатди
Ихтирочи Марк Тейссьер смартфон учун энг ажабтовур аксессуар ишлаб чиқди. У роботлаштирилган бармоқ. Гаджет смартфоннинг заряд оладиган тирқишига қўшилади ва бешта мустақил ишлайдиган жажжи двигателлари туфайли турли йўналиш бўйлаб ҳаракат қила олади.
Механик бармоқда фақат битта фойдали функция бор, у ҳам бўлса, телефон учун токча вазифасини ўтайди. Бошқа ҳолатларда қурилма фақат эрмакка ярайди. Масалан, бармоқ стол устида судралиши ёки мушук думининг ҳаракатини такрорлаб бериши мумкин. Яна у эгасининг қўлини силаши ва ҳатто қандайдир фигураларни ҳам чиза олади.
Роботлаштирилган MobiLimb бармоғи тажриба тариқасида яратилди, шу боис у очиқ савдога чиқмаса керак.