Smartfon uchun ajabtovur aksessuar: ixtirochi robotlashtirilgan MobiLimb barmog‘ini ko‘rsatdi
Ixtirochi Mark Teysser smartfon uchun eng ajabtovur aksessuar ishlab chiqdi. U robotlashtirilgan barmoq. Gadjet smartfonning zaryad oladigan tirqishiga qo‘shiladi va beshta mustaqil ishlaydigan jajji dvigatellari tufayli turli yo‘nalish bo‘ylab harakat qila oladi.
Mexanik barmoqda faqat bitta foydali funksiya bor, u ham bo‘lsa, telefon uchun tokcha vazifasini o‘taydi. Boshqa holatlarda qurilma faqat ermakka yaraydi. Masalan, barmoq stol ustida sudralishi yoki mushuk dumining harakatini takrorlab berishi mumkin. Yana u egasining qo‘lini silashi va hatto qandaydir figuralarni ham chiza oladi.
Robotlashtirilgan MobiLimb barmog‘i tajriba tariqasida yaratildi, shu bois u ochiq savdoga chiqmasa kerak.