Speedtest: Galaxy S23 Ultra vs iPhone 14 Pro Max

Февраль ойининг биринчи кунида тақдим этилган Galaxy S23 Ultra ҳозирги вақтда энг кучли Android смартфонларидан бири бўлиб турибди. iOS тизимида эса энг кучли смартфон бу iPhone 14 Pro Max. Хўш, икки смартфоннинг қай бири тезроқ ишлайди. Бунга YouTube платформасидаги PhoneBuff канали жавоб топишга ҳаракат қилди. 

Тест жараёни икки босқичда амалга оширилди. Биринчиси бир неча иловаларни очиш бўлса, иккинчиси очилган иловаларни яна қайта очиш. Охирги уч йилда PhoneBuff ўтказган тестда ҳеч қайси Android смартфон iPhone моделларини биринчи босқичда юта олмаётган эди. Бироқ S23 Ultra биринчи босқичда iPhone 14 Pro Max'дан кўра тезкорроқ бўлиб чиқди.

Гарчи S23 Ultra рақибига қараганда каттароқ тезкор хотирага эга бўлишига қарамай, iPhone 14 Pro Max иловаларни қайта очиш босқичида Samsung флагманидан устун келди. Демак, speedtest натижалари дурангни кўрсатди. 

ЎҚИНГ: Honor Magic5 Pro – DxOMark камера рейтингининг янги қиролини қарши олинг!