Xiaomi Mi 10'да олинган 4K видеони томоша қилинг
Xiaomi компанияси ўтган ҳафта Хитой пойтахти Пекинда Mi 10 ва Mi 10 Pro гаджетларини тақдим этди.
Аслида, бу смартфонлар MWC 2020 конгрессида тақдим қилиниши керак эди. Аммо конфренциясиянинг бекор қилиниши билан глобал тақдимот ҳам кечиктирилди ва қурилмалар қачон тақдим қилиниши ҳозирча қайта режалаштирилмаган.
Смартфон тақдимоти кечиктирилган бир пайтда, компания Mi 10 Pro ҳақида видео тайёрлаш учун кинорежиссор ва фотограф Луис Гуанзонга мурожаат қилган. Луис илгари ҳам iPhone 6 ва Google Pixel 2'лар ҳақида қисқа видео тайёрлаганди.
Қуйида эса Хитой компанияси мобилида тасвирга олинган 4K видеони томоша қилишингиз мумкин:
Турли хил ёруғлик шароитларида, масалан, қоронғу ва табиий ёруғлик кам бўлган Марказий Гранд бекати ва метрода олинган видеодан қурилманинг бир неча жиҳатларини билиб олиш мумкин.
Барча деталларга тўхталиб ўтиш ва ҳар бир пикселни таҳлил қилишимиз мумкин эди, аммо видео YouTube'га юкланаётганда унинг сифати бир қадар бузилади.
Бундан ташқари, видеотасвирлар стендлар ва гимбалс каби қўшимча созламалар билан олинган бўлиши мумкин, шунинг учун, камерага тўлиқ холис баҳо бериш мумкин эмас.
Маълумот учун, Xiaomi Mi 10 Pro орқа томонида тўртта камера мавжуд: 108МП асосий + 8МП кенг телефото + 12МП 50 мм портрет, 2х оптик камера + 20МП ультра кенг камера.
Телефон DxOMark'нинг камералар жадвалида 124 балл натижа қайд этганди, қизиғи, бу натижа Huawei Mate 30 Pro қайд этган натижадан яхшироқ бўлиб, Mi 10 Pro энг яхши камерали смартфонга айланди (ҳозирча).
ЎҚИНГ: РАСМАН: Xiaomi Mi 10’нинг асосий рақиби рингга тушяпти!
