ZTE саккиз ядроли Blade A2 Plus моделини сотувга чиқаради

Хитойнинг ZTE компанияси Blade A2 моделининг катта экранли ва кучли батареяли версиясини намойиш қилиш арафасида. Бу ҳақда China-Review сайти маълумот берган.

Blade A2 Plus смартфонига 5,5 дюймли Full HD экран, саккиз ядроли MediaTek MT6750 процессори (Mali-T860 график адаптери билан), 3/4 ГБ тезкор ва 32 ГБ доимий хотира ўрнатилган. Қурилма сиғими 4900 мА/ст бўлган батареядан қувватланади.

Телефон аниқлиги 13 МПли асосий ва 8 МПли олд камерага эга. Иккита SIM-карта фаолиятини қўллаб-қуввалайди.

Модель Android 6.0 Marshmallow дастурида ишлайди. Орқа панелда бармоқ изи сканери жойлашган. ZTE Blade A2 Plus нархи ва бошқа тафсилотлар 14 октябрда маълум қилинади.