ZTE sakkiz yadroli Blade A2 Plus modelini sotuvga chiqaradi
Xitoyning ZTE kompaniyasi Blade A2 modelining katta ekranli va kuchli batareyali versiyasini namoyish qilish arafasida. Bu haqda China-Review sayti ma’lumot bergan.
Blade A2 Plus smartfoniga 5,5 dyuymli Full HD ekran, sakkiz yadroli MediaTek MT6750 protsessori (Mali-T860 grafik adapteri bilan), 3/4 GB tezkor va 32 GB doimiy xotira o‘rnatilgan. Qurilma sig‘imi 4900 mA/st bo‘lgan batareyadan quvvatlanadi.
Telefon aniqligi 13 MPli asosiy va 8 MPli old kameraga ega. Ikkita SIM-karta faoliyatini qo‘llab-quvvalaydi.
Model Android 6.0 Marshmallow dasturida ishlaydi. Orqa panelda barmoq izi skaneri joylashgan. ZTE Blade A2 Plus narxi va boshqa tafsilotlar 14 oktyabrda ma’lum qilinadi.