Apple энди энг қиммат компания эмас. Янги лидер билан танишинг!

Бу йил тақдим этилган iPhone’ларнинг савдоси яхши бўлмай, Apple акциялари нархлари тушишда давом этмоқда. Натижада корпорация ўзининг мавқейини йўқотиб бораётгани ҳақида хабар бергандик.

ЎҚИНГ:  Apple «қулаш»да давом этмоқда, Microsoft уни «уриб тушириши» мумкин!

Таҳлилчиларнинг прогнозлари тўғри чиқди – кейинги кунларда купертинолик корпорациянинг акциялари нархлари 172 долларгача тушиб кетди. Натижада Apple’нинг капитализацияси пасайиб, 747 миллиард долларга етди.

Шу тариқа, энг қиммат компаниялар рўйхатида биринчи ўринга Microsoft корпорацияси чиқиб олди. Унинг бозор капитализацияси 753 миллиард долларни ташкил этади. Айтиш керакки, 2010 йилдан бери у илк бор Apple’ни қувиб ўтди.

Тўғри, пасайиш кўпчиликда кузатилади, шу жумладан Microsoft’да ҳам. Лекин Apple кучлироқ «қулаш»да давом этаётир, шу боис ҳам Билл Гейтснинг компанияси етакчиликни ҳали-вери қўлдан бермайди.

Дарвоқе, купертинолик гигантнинг ортидан Amazon ва Alphabet компаниялари келмоқда, уларнинг капитализацияси  тегишлича 737 ва 726 миллиард долларни ташкил этади.

ЎҚИНГ: Дунёнинг энг бой одами компанияси банкрот бўлишини башорат қилди