Apple ҳам ўзининг бир нечта эски смартфонларига янгиланиш юборди
Яқинда Samsung компанияси ўзининг жуда кўплаб эски смартфонларига хавфсизлик янгиланишларини юборган эди. Эндиликда Apple компанияси ҳам ўзининг деярли саккиз-тўққиз йиллик смартфонларига муҳим хавфсизлик янгиланишини юбормоқда (The Verge орқали).
Маълум бўлишича, iPhone 5S, iPhone 6 ва iPhone 6 Plus моделлари (шунингдек, биринчи авлод iPad Air, iPad Mini 2 ва iPad Mini 3 билан бирга олтинчи авлод iPod Touch) учун чиқарилган iOS 12.5.6 версия янгиланиши яқинда янгироқ iOS версияларининг хавфсизлик заифликларини тузатган хусусиятни ўз ичига олади. Аниқроқ қилиб айтганда, ушбу версия Safari ёки бошқа браузерни очганингизда зарарли веб-сайт телефонингизда текширилмаган кодни ишга тушириш имконини берадиган заифликни тузатади. Гарчи бу ваҳима қиладиган даражада бўлмаса ҳам, агар сиз iPhone 5S/6/6 Plus эгаси бўлсангиз, смартфонингизни ҳар эҳтимолга қарши янгилаб олиш тавсия қилинади.
/cdn.vox-cdn.com/uploads/chorus_asset/file/23985838/ezgif_4_d905e5abf9.gif)
Сиз янгиланишни қурилмангизда юқорида кўрсатилганидек Созламалар > Умумий > Дастурий таъминот янгиланиши орқали қабул қилиб олишингиз мумкин.
