Apple iPhone'да "терминал" хизматини ишга туширади

Купертинолик компания ўзининг янги Tap to Pay хизматини ишга туширмоқчилигини эълон қилди. Бу хизмат кичик-катта бизнес эгаларига ортиқча қурилмаларсиз, iPhone смартфони билан тўловларни NFC технологияси орқали контактсиз қабул қилиш имконини беради. 

Дастурчилар тез орада тўловларни қабул қилиш учун махсус iOS иловасини ишлаб чиқишади ва у фақат iPhone XS ёки ундан юқори смартфонларда ишлайдиган бўлади. Тўловлар Apple Pay, NFC-ёқилган пластик карталар ёки рақамли ҳамёнлар орқали амалга оширилади ва барча транзакциялар шифрланадиган бўлади, шунда Apple ким қандай тўловни амалга оширгани ёки қабул қилгани ҳақида билмайди.  

Тез орада америкалик тадбиркорлар биринчи бўлиб ушбу хизматдан фойдаланишлари мумкин бўлади. 

ЎҚИНГ: Ўз эгасини рози қилган энг яхши Apple қурилмалари рейтинги