Assassin’s Creed Odyssey расман тақдим этилди: Қадим Юнон юртига жангга отланамиз! (+видео)

Ubisoft компанияси машҳур Assassin's Creed туркумига мансуб навбатдаги ўйинни тақдим этиши ҳақида яқинда хабар берганди. Assassin's Creed Odyssey деб аталган бу ўйин, ниҳоят, расман намойиш этилди.

ЎҚИНГ: «This is Sparta!»: Assassin’s Creed туркумидаги навбатдаги ўйин эълон қилинди (+видео)

Лос-Анжелесда ташкил этилаётган Electronic Entertainment Expo (E3 2018) кўргазмаси арафасида Ubisoft компанияси узоқ кутилган ўйин тақдимотини ўтказди.

Мана, Assassin’s Creed Odyssey ўйинининг видеоролигини томоша қиламиз:

Odyssey – ассасинлар ва тамплиерлар орасидаги тўқнашувларга бағишланган сериал-ўйиннинг янги қисмидир. Ундаги воқеалар Қадимги Юнонистон ҳудудларида, Пелопоннес жанги даврида бўлиб ўтади – антик дунё бўйлаб жанговар спарталик ролида жангга кирасиз.

Assassin’s Creed Odyssey ўйинини ишлаб чиқиш билан бир неча студиялар ҳамкорликда шуғулланишмоқда, уларга Ubisoft Quebec жамоаси (Assassin’s Creed Syndicate яратувчиси) етакчилик қилаётир. Ўйиннинг тўлақонли релизи шу йилнинг 5 октябрига белгиланган. Шу куни уни PC, PlayStation 4 ҳамда Xbox One учун тақдим этилади.

ЎҚИНГ: Google Play Awards 2018: йилнинг энг зўр ўйин ва иловалари тақдирланди