Asus`дан кучли батареяга эга смартфон

Бугунги смартфонларга қўйилаётган энг муҳим талаблардан бири бу аккумуляторнинг қуввати масаласи, десак хато бўлмайди. Asus компанияси ана шу талабларни инобатга олиб, қуввати кўпга етадиган Pegasus 5000 смартфонини ишлаб чиқди. Zenfone  тоифасига мансуб бўлмаган мазкур қурилма аккумуляторининг қуввати 4850 мАс.

Тавсифи

Қурилманинг асоси – 1.3 ГГц частотали саккиз ядроли Mediatek MT6753 процессори. Тармоқда LTE Cat.4 ни қўллай олади. Смартфон 16 ГБ сиғимга эга ўрнатма хотира билан тўлдирилган. Pegasus 5000 нинг экран диагонали 5,5 дюйм ва FullHD форматида.

Аппарат иккита SIM-картали ва албатта, иккита камерага эга: фронталь камера 5 МП бўлса, асосий камера кўрсаткичи 13 МП ва у LED-чақноқ(вспышка) билан таъминланган.

Нархи

Қурилманинг Хитойдаги нархи 1299 юань ($197.39). Бу 2 ГБ оператив хотирага эга аппаратлар учун. 3 ГБ дан бошланадиган вариантлар баҳоси эса 1799 юань($273.37).