Барчанинг смартфонида мавжуд бўлган иловага ажойиб имконият қўшилди!
Шу йили Android ва iOS дастурчилари, шунингдек, ушбу дастурий тизимлар учун илова яратувчилари кўз толиқишини камайтирувчи ҳамда қурилмалар қувватини тежаш имконини берувчи тўқрангли интерфейслар ишлаб чиқаришга берилиб кетишди. Яқинда тақдим қилинган iOS 13 ҳам шу янгилик билан мақтанган эди.
Ушбу ҳафтада Android учун мўлжалланган Gmail почта-дастурининг айрим фойдаланувчилари, иловада тўқрангли интерфейс пайдо бўлганини маълум қилишди. Айтиш керакки, ушбу янгиланиш илованинг сўнги версиясини ўрнатганлар орасида эҳтимолий равишда босқичма-босқич тарқатилади.
Қолаверса, айни дамда тўқрангли интерфейс Gmail иловасининг фақат созламалар бўлимида ишламоқда. Фойдаланувчиларнинг айтишича, ушбу функция ёруғлик миқдори кўп бўлган вақnда автоматик равишда ишлайди, ёки аксинча. Афсуски, ушбу режимни доимий ўрнатиш ёки ўчириш созламаси иловада мавжуд эмас.
Августда тақдим қилинувчи Android 10 Q дастурий тизимининг якуний талқинида дастурчилар ушбу хатоликларни тузатиши турган гап. Ўша вақтга келиб Android’га тегишли бошқа иловалар ҳам тўқрангли интерфейсга эга бўлиши кўзда тутилган.
ЎҚИНГ: Энг аввал Android 10 Q’гача янгиланувчи Samsung смартфонлари билан танишинг!
