Бильярд соққаси ва бейсбол таёғи билан ҳам синдириб бўлмайдиган смартфон – атиги 250 долларга! (+видео)

DiMaX
3407
17.01.2018 13:10

Blackview компанияси мустаҳкам корпусли смартфонлари билан яхши танилган. Жумладан, ўтган йили ёзда тақдим этилган ва савдога чиқарилган Blackview BV8000 Pro жаҳондаги кучли ҳимояланган энг арзон мобил алоқа воситаси бўлган эди.

ЎҚИНГ: Урса-синмас, сувда чўкмас–Blackview BV8000 Pro сотувга чиқди

Шунингдек, хитойлик бу смартфонсоз ўзининг ўта кучли муҳофазага эга BV9000 Pro моделини MWC 2017 кўргазмасида тақдим қилган ва ноябрга келиб сотувга чиқарган. Унинг мустаҳкамлигини ҳам турли йўллар билан синаб кўришган.

ЎҚИНГ: Кучли ҳимояланган Blackview BV9000 Pro сотувга чиқарилди

Энди эса ушбу моделнинг нисбатан «оддий» бўлган BV9000 версияси савдога қўйилган. Мазкур қурилмани ҳам бир қанча ғайриоддий усуллар билан, жумладан, бильярд шарчаси, баскетбол тўпи ва бейсбол таёғи ёрдамида дроп-тест қилиб кўришди.

Blackview BV9000 анча бақувват телефон бўлиб, зарбага чидамли корпус ҳамда диагонали 5,7 дюймлик IPS-дисплей билан жиҳозланган. Гаджет IP68 стандарти бўйича чанг ва сувдан ҳимояланган – ҳатто узоқ муддат сув остида қолганидан кейин ҳам иш қобилиятини йўқотмайди. Шунингдек, девайснинг корпуси зарбаларга ва ерга тушиб кетишга чидамли қилиб ишланганига қуйидаги видеода ўзингиз гувоҳ бўлишингиз мумкин:

Техник хусусиятларига келадиган бўлсак, Blackview BV9000 экранининг томонлари ўзаро 18:9 нисбатда. Смартфоннинг «юраги» – MediaTek Helio P25 процессори; у 2,6 ГГц такт частотасида ишловчи саккизта ядрони ҳамда Mali-T880 график тезлатгичини ўз ичига олади. Девайс Android 7.1 Nougat операцион тизимида ишлайди.

Мустаҳкам смартфоннинг асосий камераси 13 ва 5 мегапикселли иккита датчикдан иборат. f/2,0 ёруғлик кучига эга объективи яхши ёритилмаган шароитларда ҳам сифатли суратлар олишга имкон беради. Аккумулятори 4180 мА/соат сиғимга эга ҳамда 12В/2А тезкор қувватлаш технологиясини қўллаб-қувватлайди. Blackview BV9000 Pro моделидан унинг фарқи фақатгина хотирасининг ҳажмидадир: Pro-версиясида тезкор ва ички хотира тегишлича 6/128 гигабайт бўлса, мазкур «оддий» талқинда 4/64 гигабайтни ташкил этади.

Ҳозирда – 22 январгача ушбу икки гаджет савдосида акция бўляпти, шу муддатда ҳар иккала смартфонни чегирма билан харид қилиш имкони мавжуд. Blackview BV9000 моделининг хусусиятларини батафсил кўриш ва 313.16 АҚШ долларига харид қилиш учун мана бу ҳавола орқали ўтишингиз мумкин. BV9000 Pro талқинидаги қурилмани эса акция доирасида 229.99 долларга олиш мумкин, бунинг учун мана бу ҳавола ёрдамида тегишли саҳифага ўтинг.