Бир суткада 14,5% Apple қурилмалари iOS 10 версиясига янгиланди

iOS дастурининг Android’дан устун жиҳатларидан бири барча фойдаланувчилар янги версияга бир вақтда янгиланишидир. Таҳлиллар билан шуғулланадиган  Mixpanel компаниясининг ахборотларига кўра,  iOS 10 чиқарилгандан кейин 24 соат ичида барча iOS дастуридаги қурилмаларнинг 14,5 фоизи мазкур версияга янгиланган. Таққос учун ўтган йили iOS 9 версияси чиқарилганда, бир суткада барча Apple гаджетларининг 9% ушбу дастурга янгиланган эди.

Mixpanel маълумотлари бўйича 15 сентябрнинг тонгида iOS 10 версиясида ишлайдиган қурилмалар 19,6 %ни ташқил этган. Бироқ сал кейинроқ баъзи фойдаланувчилар iOS 9 ва эскироқ версиядаги дастурларга қайтишган. Бу янги дастур версиясидаги баъзи қурилмалар ишида қотиш юзага келганлиги ҳақидаги хабар билан боғлиқ бўлиши мумкин.