Бу смартфон самарадорликда Xiaomi флагманидан устун келди!

Жорий йилнинг февраль ойи охирида ASUS компанияси ўзининг ZenFone 5Z русумли флагман телефонини расман намойиш этган эди. орадан икки ойча вақт ўтган бўлса-да, ҳануз бу модел сотувга чиқарилгани йўқ. Лекин интернетга у ҳақида турли-туман маълумотлар чиқиб турибди.

ЎҚИНГ: 2018 йил, I чорак: ижобий қарши олинган 10 смартфон

Жумладан, ушбу смартфоннинг ишлаш самарадорлиги AnTuTu бенчмаркида текшириб кўрилган. Шу кунларда бу борада юқори натижа кўрсатган қурилмалардан бири Xiaomi Mi Mix 2S бўлса, ZenFone 5Z ундан ҳам ўзиб кетганлигини кўриш мумкин.

Snapdragon 845 чипи базасидаги Mi Mix 2S флагмани AnTuTu сервисида 273 минг баллик натижа қайд этган. Худди шу процессорга эга ZenFone 5Z эса, гарчи унча катта фарқ билан бўлмаса-да, барибир юқори – 274 499 очко олган.

Айтиш керакки, айни кунгача илғор Snapdragon 845 чипига эга қурилмалар орасидан энг юқори кўрсаткични ҳам Xiaomi маҳсулоти бўлмиш Black Shark смартфони намоён этган – 279 464 балл. Аммо амалий қўлланишда ушбу геймерофоннинг камчиликлари аён бўлган.

ЎҚИНГ: Энг зўр Xiaomi смартфонида оммавий нуқсонлар чиқа бошлади