Бугун Xiaomi Mi 5S ва Mi 5S Plus расман намойиш этилди

Хитойнинг Xiaomi компанияси бугун Xiaomi Mi 5S ва Xiaomi Mi 5S Plus смартфонларини расман тақдим этди. Аввалроқ сайтимизда смартфонларга оид баъзи  тафсилотларни эълон қилган эдик.

Ҳар иккала модель ҳозирда энг илғор ҳисобланган Qualcomm Snapdragon 821 процессорида ишлайди. Шу билан бирга янги моделлар Qualcomm Sense ID номли ультратовушли бармоқ изи сканери билан таъминланган бўлиб, ушбу сенсор ёрдамида нам ва кирланган бармоқлар билан ҳам смартфонни очиш мумкин. Xiaomi Mi 5S ва Xiaomi Mi 5S Plus металл корпусга ва янги USB Type-C портларига эга.

Xiaomi Mi 5S моделига 5,15 дюймли Full HD экран, 12 МП асосий ва 4 МП олд камера, Qualcomm Quick Charge 3.0 технологиясидаги 3200 мА/ст сиғимидаги батарея ўрнатилган. Модель 3/4 ГБ тезкор ва 64/128 ГБ доимий хотирага эга.

Xiaomi Mi 5s Plus эса 5,7 дюймли Full HD экран, 13 МПли қўш камера ва 3800 мА/ст сиғимли батарея билан жиҳозланган. Хотира конфигурацияси Xiaomi Mi 5s моделидан фарқ қилмайди.

Смартфонлар MIUI 8 интерфейсидаги Аndroid 6.0 Marshmallow дастурида ишлайди. Xiaomi Mi 5S ва Xiaomi Mi 5S Plus 29 сентябрда Хитой ва АҚШда сотувга чиқарилади. Xiaomi Mi 5S моделини хотира версиясига қараб 299 ва 344 доллар, Xiaomi Mi 5S Plus’ни эса 344 ва 389 доллар нархида харид қилиш мумкин.