Facebook акционерлари унинг асосчиси Марк Цукербергни «тахтидан туширишмоқчи»!
Энг оммалашган ижтимоий тармоққа эгалик қилувчи компаниянинг бир неча йирик акционери қизиқ таклифни илгари суришди. Моҳиятига кўра, улар компания бош директори Марк Цукербергни бошқарув раиси лавозимидан туширишни исташмоқда.
ЎҚИНГ: Цукерберг: "Ўзбекистон россиялик троллар нишонида бўлган"
Аслини олганда, бундан бирор ижобий натижа кутиш қийин – Цукерберг бошқарув учун овоз берилиши устидан деярли тўлиқ назоратга эга. Аммо барибир, инвесторларнинг шунга ҳаракат қилаётганликлари ўзи қизиқ ҳол.
Акционерлар ушбу таклифни Нью-Йорк пенсия жамғармалари, Иллинойс, Род-Айленд, ва Пенсильвания штатлари ғазначилиги ҳамда Trillium Asset Management компанияси номидан беришган. Аниқроқ қилиб айтганда, пенсия жамғармалари ва ғазначиликлар Trillium Asset Management фаолларига қўшилишган. Улар Facebook’нинг жорий йил иккинчи чорагидаги даромадлари ҳақидаги ҳисоботдан норозилар. Шу боис компания бошқаруви раиси – Марк Цукербергни бошқа, мустақил номзодга алмаштиришни таклиф этишаётир.
Цукерберг ва инвесторлар орасидаги келишмовчилик қандай ривожланиши номаълум, аммо таклифда кўрилган масала юзасидан овоз бериш келаси йилги Facebook акционерлари йиғилишида бўлиб ўтиши айтилмоқда.
Шуни ҳам таъкидлаб ўтиш керакки, бу – Цукербергни «тахтидан тушириш» учун қилинаётган биринчи уриниш эмас. Жорий йилнинг июнида ҳам шунга ҳаракат қилишган эди, аммо натижаси...
ЎҚИНГ: АҚШ Конгрессида кўрсатма берган Цукерберг: «Ўзимни ҳам чув туширишди...»
