Фойдаланувчилар iOS 10 версиясини ўрнатишда муаммога дуч келишди

Юзлаб Apple фойдаланувчилари iOS 10 версиясига янгилашда бир қатор муаммоларга дуч келишди. Бу ҳақда RBK нашри хабар қилган.

Янгиланиш пакетини юклаб олгандан кейин қурималар дастурни ўрнатишни бошлаган. Бироқ экранларда гаджетни компьютерга улаш кераклиги тўғрисида билдиришнома пайдо бўлган. Носозлик айнан янги версия Wi-Fi орқали юклаб олганда содир бўлмоқда. Бироқ маълумотларга қараганда, пакетни iTunes ёрдамида бехато ўрнатиш мумкин.

Apple берган хабарга кўра, бундай муаммо, асосан, янгиланиш пакети чиқарилган илк соатларда юзага келган. “Муаммо тезда ҳал этилди ва ноқулайликлар учун узр сўраймиз”,- деб ёзади компания.

Кеча – 13 сенятбрь куни Apple узоқ кутилган iOS 10 дастур версиясини чиқарган эди. Энди маълум авлоддаги iPhone ва iPad гаджетларида 3D Touch билан боғлиқ янги билдиришномлар тизими, iOS мессенжерининг кенгайтирилган функциялари, такомиллашган “Photo” иловасидан фойдаланиш мумкин. Албатта, бундан ташқари яна бир қатор янгиликлар iOS 10 дастурига киритилган. Бу ҳақда батафсил тўхталамиз.