Galaxy S10 уч модулли 3D-камерага эга бўлади. Бу ҳали ҳаммаси эмас...

Айни дамда бозорга тақдим этилган смартфонлар орасида хитойлик техногигантнинг Huawei P20 Pro моделигина учта объективли асосий камерага эга. Аммо купертинолик ва жанубий кореялик етакчи смартфонсозлар бу борада ундан ҳам ошиб ўтишмоқчи.

ЎҚИНГ: Уч камерали iPhone беш каррали гибрид зумга эга бўлади

Манбалар берган хабарга кўра, Samsung компанияси ҳам ўзининг навбатдаги флагман смартфонида учта модулли бош камера қўлламоқчи, деб ёзади The Investor нашри. Аммо жанубий кореяликлар янада илгарилаб кетишни ният қилишган – бу камера стереоскопик фотосуратлар олишга қодир бўлади.

KB Securities компанияси таҳлилчиси Донг-вон (Dong-won) фикрича, Galaxy S9 моделига талаб камлигидан келиб чиқиб, Samsung компанияси ўзининг смартфонлар бўлимига янгича ҳаёт олиб кирмоқчи. Улар энди учта сенсорли ва 3D-датчикли флагман яратиш устида иш бошлашган.

Шу билан бирга, DxOMark мутахассисларининг таъкидлашларича, учта камера ҳам ҳали ҳаммаси эмас. Яқин йилларда бозорда тўрт модулли камерага эга смартфонлар ҳам чиқади, дейишмоқда улар.

ЎҚИНГ: Тўртта бош камерали Huawei Mate 20 видеосини кўрамиз!