GameDev Goethe бепул лойиҳаси: энг зўр ўйин яратувчисига айланинг!
Ўзбекистонда фаолият кўрсатаётган Гёте Институти ҳамда IT-Парк биргаликда GameDev Goethe лойиҳасини амалга оширмоқда. Бу тўғрида Ўзбекистон Республикаси Ахборот технологиялари ва коммуникацияларини ривожлантириш вазирлиги хабар берган.
ЎҚИНГ: Соврин фонди 60 миллион сўмлик онлайн киберспорт мусобақасига марҳамат!
Ўйин яратишга қизиқувчи ёшлар ўз кучларини GameDev Goethe номли лойиҳасида синаб кўришлари мумкин.
Лойиҳанинг асосий мақсади — компьютер ўйинларни яратишда эндигина биринчи қадам қўяётган ихтирочиларга кўмак бериш.
GameDev Goethe лойиҳасида иштирок этадиганлар нимадан ютади? Улар қўйидаги афзалликларга эга бўлади:
- бебаҳо тажриба ва билимларга эга бўлиш;
- мутахассислар ёрдамида қисқа вақт ичида ўз ўйинни ярата олиш ва тайёр ўйинни ўз шахсий портфолиога қўшиш;
- GameDev бўйича Ўзбекистондаги етакчи мутахассисларидан мунтазам равишда маслаҳатлар олиб бориш;
- Ўзбекистондаги биринчи Ўйин ажуманида минглаб иштирокчилар олдида ўз ўйинни намойиш этиш ва қимматбаҳо совғаларни қўлга киритиш;
- буюртма олиш ёки ўйинлар ишлаб чиқиш соҳасида иш топиш учун ўзларини ўйин дастурчиларининг рўйхатига қўшиш;
- ўз ўйинни Google Play, AppStore онлайн дўконларида жойлаштириш ва уни реклама қилиш учун маблағ олиш имконига эга бўлиш.
Лойиҳада иштирок этиш эса мутлақо бепул!
Аризаларни қабул қилишнинг охирги муддати – 15 апрель!
Шошилинг, жойлар чекланган!
GameDev лойиҳасида иштирок этиш учун https://forms.yandex.ru/u/5e4ceb134e61cc0182f13739/ ҳаволаси орқали ўтинг.