Ғайриоддий камерали Galaxy A90 илк видеороликда: у кутилганидан бошқачароқ экан!

Samsung компанияси 10 апрель кунига йирик тақдимот режалаштирган. Компания унда бирданига тўртта – Galaxy A20e, Galaxy A40, Galaxy A60 ҳамда Galaxy A90 смартфонларини намойиш этиши кутилмоқда.

ЎҚИНГ: Селфи-камераси корпус ичидан чиқувчи илк Samsung смартфони – Galaxy A90 суратларда!

Ўрта нархли Samsung смартфонларининг етакчиси – Galaxy A90 энг антиқа моделлардан бири бўляпти. Компания ушбу қурилмасида илк бор корпус ичидан чиқувчи камера қўллаётгани айтилмоқда. Қизиғи – корпуснинг орқа панелида бошқа камера йўқ, шу битта камеранинг ўзи ҳам олдга ҳам орқага «қараб», асосий ва селфи-камера вазифасини бажара оладиган бўлади.

TechNave ресурси эълон қилган видеолавҳада шу пайтгача интернетда тарқалган маълумотлар асосида тайёрланган Samsung Galaxy A90 рендери кўрсатилган. Унда мазкур смартфон биз тасаввур қилганимиздан кўра бошқачароқ эканини кўрамиз:

Гувоҳи бўлаётганингиздек, «йиғилган» ҳолатида камера корпус ичига яширилмасдан, балки орқа панелда қолади. Эҳтимол, Galaxy A90 камераси чиндан ҳам айнан шундай бўлиб чиқар – бунга тез орада аниқлик киритилади. Дарвоқе, компания бу моделини Galaxy A80 номи билан чиқариши ҳам мумкин...

ЎҚИНГ: Навбатдаги «жонли» сурат Galaxy A90 (ёки Galaxy A80) смартфонининг яна бир жиҳатини фош этди