Малайзияда смартфон портлаши фожеага олиб келди
Смартфон портлаши билан боғлиқ воқеалар ҳар йили такрорланаяпти. Навбатдаги ҳодиса Малайзияда юз берди, таассуфки бу сафар, фалокат бир инсоннинг ҳаётига зомин бўлди.
Фалокат тунда Cradle Fund винчур компанияси ижрочи директори Назрин Ҳасаннинг уйида содир бўлган. Унинг кровати ёнидаги стол устида бир йўла иккита смартфон қувватлантиргичга улаб қўйилган эди. Бу пайтда Назрин Ҳасан ухлаётган бўлган. Бир вақт уларнинг бири портлаб кетган ва хонада ёнғин бошланган.
ЎҚИНГ: Huawei нечта P9 ва P9 Plus сотилганини айтди
Кейинроқ, воқеа жойига етиб келган қутқарувчилар хонада ёниб кетган тўшак, кроват ва мебелни топган. Энг ачинарлиси, хонада уй соҳибининг куйган жасади ҳам топилган. У аччиқ тутундан бўғилиб қолган.
Назрин Ҳасаннинг қариндошлари айтишича, унинг иккита смартфони бўлган. Бири Blackberry, иккинчиси Huawei. Бироқ, айнан қайси смартфон портлагани номаълумлигича қолмоқда.
ЎҚИНГ: BlackBerry KEYone яқинда Android Oreo билан янгиланади
«Унинг иккита смартфони бор эди. Улурнинг бири портлади. Ким ўйлабди дейсиз, оддий қувватлантиргич мана шундай фалокатнинг сабабчиси бўлишига, энди эса уч нафар фарзанди етим қолди», — дея таъкидлайди Назрин Ҳасаннинг қайниси фожеага изоҳ берар экан, деб ёзади Gizchina ахборот манбаси.
