MDC M Series – янги ва ҳамёнбоп смартфонлар серияси

DiMaX
2398
25.02.2019 14:16

Хитойнинг MDC компанияси ўтган йилнинг сўнгги ойларидан бошлаб ўзининг M сериясидаги арзон смартфонларини сотувга чиқаришни бошлади. Ҳозирда ушбу сериядан М100, М200 ва М5 номли моделлар ўрин олган бўлиб, улар замонавий техник хусусиятларга эга, ҳамёнбоп ва расмий кафолатли смартфон сотиб олишни истаган харидорларга жуда мос келади.

ЎҚИНГ: Terashop.uz’да MDC смартфонлари арзонлашди, яна акция ҳам бор – нархлари билан танишинг! (2019 йил 23 февраль)

MDC M5

MDC M5 – ушбу компания сотувга чиқарган сўнгги модел бўлиб, тўлиқ металл корпус билан жиҳозланган. Cмартфонга 4 ядроли Mediatek MT6739 процессори ўрнатилган. Қурилма Ўзбекистондаги барча алоқа операторларининг 4G тармоқларида ишлайди, унга 2 та SIM-карта жойлаш мумкин. Хотираси 2/16 гигабайт, унга яна қўшимча тарзда 64 гигабайтгача бўлган MicroSD картаси ўрнатишингиз мумкин. Смартфон Android 8.1 Oreo операцион тизимида ишлайди, у 5.7 дюймлик HD+ (1440х720 пиксел) аниқлигидаги, томонлари ўзаро 18:9 нисбатли IPS экран билан жиҳозланган.

Асосий камера 13 + 0.3 мегапикселлик аниқликдаги қўш модулдан ташкил топган, унга LED-чақноқ ўрнатилган ва автофокус кўзда тутилган. Олд камера аниқлиги эса 5 мегапикселлик. Ушбу моделда ҳам шахсий маълумотларингизни ҳимоялаш учун анъанавий код-пароллардан ташқари бармоқ изи сканери ҳамда Face-Lock функциясидан фойдаланишингиз мумкин.

Нарх-наво: ушбу қурилмани Ўзбекистон бозорида 765 000 сўмдан бошлаб харид қилишингиз мумкин.

ЎҚИНГ: MDC М5 – ҳамёнбоп 4G-смартфон сотувга чиқди

MDC M200

Бу модел Android Go тизимида ишлайди. Унга 4 ядроли MTK6580 чипи ўрнатилган бўлиб, тезкор хотираси 1 ГБ, доимий хотираси эса 8 гигабайт ҳажмга эга. Унга яна қўшимча 64 ГБгача ҳажмли MicroSD форматли хотира картаси ўрнатиш мумкин. Ушбу смартфонда видео-контент кўриш, ижтимоий тармоқлар, қўнғироқлар, хабарлар, мусиқа каби талайгина кундалик вазифаларни бемалол бажарса бўлади.

MDC M200 диагоналига 5.45 дюймлик, 1440х720 пиксел аниқликдаги HD+ TFT LCD матрицали дисплей билан жиҳозланган. Экраннинг томонлар нисбати 16:9, у тўлиқ ламинация билан қопланган.

Корпуснинг орқа томонида 5 мегапикселлик камера, LED-чақноқ ҳамда бармоқ изи сканери мавжуд. Олд томонига эса 2 мегапикселлик селфи-камера ўрнатилган. Смартфоннинг ўнг томонидан овоз баландлигини бошқариш тугмаси ва қувватни ўчириш тугмаси жой олган. Ишлаб чиқарувчи корпуснинг чап томонига яна бир тугма жойлаштирган, у орқали сиз ўзингизга зарур вазифани тезда ишга тушириш учун созлаб қўйишингиз мумкин.

Нарх-наво: ушбу смартфонни Ўзбекистон бозорида 550 000 сўмдан бошлаб харид қилишингиз мумкин.

ЎҚИНГ: Android Go тизимли MDC M200 смартфони Ўзбекистонда арзон нархда савдога чиқди!

MDC M100

Мазкур смартфон 5 дюймлик (480х854 пикселлик) IPS-экран, 8 гигабайтлик ички хотира, 5/2 мегапикселлик камералар, GPS, Wi-Fi, Bluetooth алоқаси билан жиҳозланган. У Google томонидан яратилган Android Go платформасида ишлайди. Бу смартфонга иккита SIM-карта ва қўшимча хотира картасини ўрнатса бўлади. Батарея сиғими 1800 мА/соат бўлиб, қуввати нақ 20 соат овозли қўнғироққа етади.

MDC M100 смартфони 2G ва 3G тармоқларини қўллаб-қувватлайди. Масалан, унга Kid Control иловасини ўрнатиб, фарзандингизнинг ҳозирда қаерда эканлигини реал вақтда кўриб турсангиз бўлади.