MediaTek Helio X30 – 10 нанометрли биринчи процессор

Хитойда ўтказилган Vernee матбуот-анжуманида MediaTek Helio X30 процессорининг анонси бўлиб ўтди. Мазкур процессор 10 нанометрли технологияда ишланган илк чипсет ҳисобланади. Хитойнинг Mediatek компанияси кутилмаганда йирик рақобатчилари Samsung, Apple, Huawei  ва Qualcomm’ни ортда қолдириб, ушбу технологиядаги чипсетни яратишда илгарилаб кетди. Шунингдек, процессордаги янги 820 мегагерцли PowerVR Series 7XT график чип ҳам диққатга сазовор, у Imagination Inc. томонидан ишлаб чиқилган бўлиб, 700 мегагерц частотадаги Mali-T880 MP4 чипидан 2,4 марта тезроқ ишлайди, 58%га энергияни тежайди.

MediaTek Helio X30 процессори ўн ядродан иборат (Cortex-A73, Cortex-A53 ва Cortex-A35) уч кластерли тизимдан ташкил топган. Ишлаб чиқарувчининг таъкидлашича, янги процессор аналогларига қараганда 43% тезроқ ишлайди ва 53%гача қувватни тежаш самарадорлигига эга. Helio X30 8 Гбгача бўлган LPDD4 форматидаги тезкор хотира, UFS 2.1 хотираси, 28 МПгача бўлган камера (Imagiq 2.0 сериясидаги иккита ISP), 2560х1600 пиксель сиғимдаги дисплей ва LTE Cat 10 тезлигини қўллаб-қувватлайди.