Оммабоп бепул ўйин энди iPhone ва Android-смартфонларга ҳам чиқади
Mail.ru компанияси куни кеча ўтказган ёпиқ тадбирида оммабоп шутернинг Android ҳамда iOS платформаларига мўлжалланган талқини – Warface Mobile’ни эълон қилди. Айтиш керакки, оригинал Warface ўйини 2018 йилнинг шартли бепул ўйинлари ўнталигида Fortnite Battle Royale’дан кейин иккинчи ўринни эгаллаган.
ЎҚИНГ: 2018 йил сўнгида энг оммалашган PlayStation ўйинлари рейтинги билан танишинг
Дастурчиларнинг сўзларига кўра, шутернинг мобил версияси смартфонларга мослаб, «нолдан бошлаб» ишлаб чиқилади. Унинг тафсилотларини маълум қилишмаган бўлса-да, Warface Mobile динамик геймплейни синаб кўриш имконини беришини айтишган. Хабарга кўра, Android ва iOS учун Warface Mobile ўйини шу 2019 йилнинг ўзидаёқ тақдим этилади.
Айтиб ўтиш керакки, оригинал Warface ўйини Crytek компанияси томонидан ишлаб чиқилган бўлиб, биринчи релизи 2012 йили бўлиб ўтган. 2018 йилнинг июлида эса бу шутер PlayStation 4 (сотиб олиш) ҳамда Xbox One ўйин консолларига ҳам етиб келган.
ЎҚИНГ: PlayStation 5 қачон PS4’ни «ўлдириши»ни Sony ўзи маълум қилди
