РАСМАН: OnePlus «флагманлар кушандаси»нинг тақдимот санаси ва жойини айтди
«Флагманлар кушандалари»ни ишлаб чиқарувчи хитойлик смартфонсознинг OnePlus 6T русумли навбатдаги қурилмаси ҳам тайёр. Унинг кейинги ҳафтада – 17 октябрь куни расман намойиш этилиши кутилаётган эди.
ЎҚИНГ: 17 октябрда намойиш этиладиган OnePlus 6T флагманини МУТЛАҚО БЕПУЛ оласизми?
OnePlus компанияси бугун – 8 октябрда ушбу флагманининг тақдимот санасини расман маълум қилди. Унга кўра, OnePlus 6T модели 17 эмас, балки 30 октябрь куни, Нью-Йорк шаҳрида ташкиллаштирилаётган тадбирда оммага кўрсатилади.
Айтиш керакки, OnePlus 6T томчисимон «кемтик»ка эга ромсиз дисплей, унга татбиқ этилган бармоқ изи сканери билан таъминланган. Snapdragon 845 процессорига таянувчи мазкур смартфон қадоқданоқ Android 9.0 Рie операцион тизим талқини билан жиҳозланган. Унга 8 гигабайтлик тезкор ва 256 гигабайтлик доимий хотира ўрнатилиши айтилмоқда.
ЎҚИНГ: Болливуд афсонаси аллақачон OnePlus 6T флагманини «жонли» кўрсатяпти! (расмий видео)
