S9'дан 10 карра яхши Oppo Find X арзон нархда сотувга чиқди
Samsung кўпчиликнинг ишончини ва ҳурматини қозонган компания бўлса ҳам, рақобат даврида янгидан-янги рақиблар смартфон саноатига кириб келмоқда ва янги инновациялар билан харидорларнинг диққатини тортмоқда. Экспертларнинг фикрига кўра, яқинда тақдим қилинган Oppo Find X жиҳатларига кўра Samsung Galaxy S9 флагман смартфонидан 10 карра илғорроқ.
Кеча, 2018 йилнинг 14 июль куни Oppo Find X смартфони сотувга чиқарилди. Ҳозирча Хитойда сотувга чиқарилган девайс учун 750 АҚШ доллари сўралмоқда. Қиммат бўлса ҳам, ушбу телефон аппарати бу нархга арзийди. Шу билан бирга, смартфон рақиби Samsung Galaxy S9 флагманидан анча арзон.
6,4 дюймли экран ён томонларга қайрилган шаклда. AMOLED матрицали дисплейнинг пикселлар сиғими Full HD+. Экран билан боғлиқ аҳамиятли жиҳатлардан бири -- олд панелнинг деярли 93% фоизи дисплейдан иборат. Айтиш керакки, жаҳондаги ҳали бирор девайс экран масаласида бундай натижани кўрсата олмаган.
Ушбу натижага эришиш учун компания муҳандислари олд ҳамда бош камерани корпуснинг юқори қисмига ўрнатилган ва ҳаракатланадиган махсус модулга жойлаштирганлар. Яъни, девайснинг том қисми слайдерли механизм асосида ишлайди.
Бундан ташқари, янги смартфон бармоқ изи сканеридан ҳам маҳрум бўлган. Бунинг учун эса бир нечта датчиклар жамланмасидан иборат ва 3D-сканерлаш технологиясида ишлайдиган функция татбиқ қилинган. Mi 8 флагманидан сўнг, Oppo Find X қиёфани тўлиқ сканерлаш тизимига эга бўлган иккинчи Андроид смартфон бўлди.
Oppo Find X айни пайтда энг илғор андроид процессор бўлган Qualcomm Snapdragon 845 чипига эга бўлган. Унга 8 гигабайтгача тезкор ҳамда 256 гигабайтгача доимий хотира ўрнатилган.
Бош камерада 16 Мп ва 20 Мп аниқлигидаги сенсорлар ўрнатилган. Олд камера учун эса 25 мегапикселли датчик танланган. Камералар олган сурат "сунъий интеллект" технологияси ёрдамида тизимда қайта ишланади.
Oppo Find X тўғрисида батафсил маълумот олинг:
