Samsung бургага аччиқ қилиб кўрпани куйдирди: бу арзон смартфонни кутмай қўяверамиз!
Жанубий кореялик гигант арзон туркумга мансуб Galaxy M41 смартфонида ўзининг эмас, балки CSOT (China Star Optoelectronics Technology) компаниясининг экранларини қўлламоқчи эди. Бироқ мазкур OLED-пенелларнинг сифати Samsung муҳандисларига ёқмади.
ЎҚИНГ: Samsung Upgrade дастури: Galaxy смартфонларини энди ҳар йили ярим нархида олиш мумкин! (+видео)
The Elec нашрининг ўз манбаларига таяниб ёзишича, Samsung шу сабабли Galaxy M41 моделининг ўзидан воз кечиб қўяқолган. Яъни, компания уни умуман бозорга чиқармайди, унинг ўрнига кейинроқ Galaxy M51 смартфонини намойиш қилади.
Samsung Galaxy M51 ҳақида аввал ҳам ёзганмиз – компания унда ўзининг OLED-дисплейини ишлатади. Қурилманинг «электрон юраги» тарзида Snapdragon 662/675 ёки янада кучли Snapdragon 720 процессори қўлланади.
Компания бу смартфонини 8/128 гигабайтлик тезкор/ички хотира ҳамда Android 10 асосида тайёрланган One UI 2.0 билан таъминлайди. Galaxy M51 бош камерасининг асосий модули эса 64 мегапикселлик ISOCELL Bright GW1 сенсори бўлади.
ЎҚИНГ: Samsung иккита арзон смартфонини тақдимотдан аввал Geekbench’да синаб кўрди
