Оммабоп Antutu бенчмарк-тести жамоаси айни кундаги энг қудратли Android-смартфонларнинг навбатдаги рейтингини эълон қилди. Ушбу рўйхат маҳаллий – Хитойдаги фойдаланувчилар томонидан май ойида ўтказилган тестлар асосида тузилган.

Биринчи ўринни аввалгидек 382 минг балл билан Nubia Red Magic 3 смартфони эгаллаб турибди. Қурилма совутиш тизимига эга 7 нанометрлик Qualcomm Snapdragon 855 процессори ва 6/8/12 ГБ лик оператив хотира асосида ишлайди.

Иккинчи ўринни эса яна бир ўйинбоп смартфон – Xiaomi Black Shark 2 эгаллаган. Qualcomm’нинг топ процессори ўрнатилган ушбу смартфон 375 минг балл олишга эришган. Қизиғи шундаки, ўтган рейтингда иккинчи ўринда бўлган ZTE Axon 10 Pro учун ушбу рейтингда умуман жой топилмаган. Кучли учталикни Xiaomi Mi 9 Transparent Edition (371 021) якунлаб берган.

Тўртинчи ўринни Xiaomi Mi 9 (370 884)(сотиб олиш), бешинчи ўринни эса OnePlus 7 Pro (368 307) банд қилган. Кейинги ўринларни Meizu 16S (367 981), OnePlus 7 (367 718) и Redmi K20 Pro (367 003) эгаллаган.

Рейтингда охирги иккита ўринни Galaxy S10+ (харид қилиш) ва Galaxy S10+ (сотиб олиш) флагманлари эгаллаган. Ушбу моделлар тестда мос равишда 361 449 ва 360 327 балларни олишган.

ЎҚИНГ: Xiaomi СС9е смартфони умуман кутилмаган процессорга эга бўлиши мумкин