Twitter Apple TV, Amazon Fire TV ва Xbox One учун оқимли видео иловасини ишга туширди

Twitter компанияси Apple TV, Amazon Fire TV ва Xbox One телеприставкалари учун мўлжалланган янги иловани ишга туширди. Мазкур илова орқали Twitter’даги оқимли видеони телевизорларда кўриш мумкин.
Иловаларни ўрнатиш учун тўлов талаб этилмайди. Иловалар орқали Twitter’даги видеоконтент, жумладан, Америка МФЛ матчлари, MLB Advanced Media, NBA, Pac 12 Networks, Campus Insiders, Cheddar ва Bloomberg News каналларидаги видеолар жонли транслация қилинади.
Энг қулайи, телеприставкалар орқали тармоқдаги видеоларни томоша қилиш учун Twitter’да рўйхатдан ўтиш шарт эмас. Apple TV фойдаланувчилари учун тармоқдан узлуксиз премиум-видео ваъда қилинган.

Тўртинчи авлоддаги Apple TV учун Twitter халқаро масштабда йўлга қўйилган. Xbox One учун Twitter’дан ҳозирча Австралия, АҚШ, Буюк Британия, Бразилия, Канада ва Мексикада фойдаланиш мумкин.
Amazon Fire TV ва Fire TV Stick хизматлари учун Twitter ҳозирча АҚШ ва Буюк Британияда ишлайди.