UMS «Мобил ТВ» хизматини янада қулайлаштирди!
Шу баҳорнинг ўзида ўз абонентлари учун нақ тўққизта янги тариф жорий этган Universal Mobile Systems юртимизга ташриф буюрувчи хорижлик сайёҳлар учун ҳам тариф режалари тақдим қилди. Шунингдек, бу компания турли акциялар билан ҳам ўз мижозларини хушнуд этиб келаётир.
ЎҚИНГ: UMS сайёҳлар учун тариф режаларини ишга туширди
Компания сайтида эълон қилинган хабарга кўра, UMS ўзининг «Мобил ТВ» хизматига ҳам ўзгартиришлар киритиб, уни янада қулай қилган. Энди бу хизмат бўйича нафақат обуна муддатини (1, 7 ёки 30 кун), балки хизмат турини («Online TV», Player.uz ёки Allmovies.uz) ҳам танлаш мумкин!
Масалан, бир ҳафта давомида фақат ҳорижий фильм ва сериалларни кўрмоқчисиз. Бунинг учун Allmovies.uz’га 7 кунлик обунани (7368,11 сўмга) расмийлаштиришингиз мумкин.
Ёки бирор каналдан намойиш қилинадиган футбол кўрмоқчисиз-у, лекин шу пайти кўчада бўлиб қолдингиз. «Online TV»га 1 кунга (4210,35 сўмга) обуна бўлинг ва севимли жамоангизни қўллаб-қувватланг!
Операторнинг маълум қилишича, барча шартлар Allplay иловасидан фойдалангандагина амал қилади. Ушбу хизмат шартлари ҳақидаги батафсил маълумотни UMS расмий сайтидан олишингиз мумкин.
