ВИДЕО: Nokia 9 PureView смартфони илк расмий реклама ролигида!
Nokia брендини «тирилтирган» HMD Global компанияси бир неча моделлардаги смартфонлари ва тугмачали телефонлари билан истеъмолчилар ишончини қозониб улгурди. Унинг беш модулли бош камерага эга Nokia 9 PureView флагмани – 2019 йилда энг кутилаётган моделлардан биридир.
ЎҚИНГ: Nokia 9 Pureview беш модулли камераси сабабли «Олимпик» деб аталади
Куни кеча ушбу флагманнинг расмий реклама видеоролиги интернетда эълон қилинди. Энди Nokia 9 PureView дизайни ҳам, техник хусусиятлари ҳам аниқ бўлди.
Nokia 9 PureView ўтган йилги флагман – Snapdragon 845 процессори базасида ишлайди. Смартфон 6 ГБ тезкор ва 128 ГБ доимий хотира билан таъминланган.
Диагоналига 5,99 дюймлик экранининг ўзига бармоқ изи сканери жорий этилган. Бешта датчикни ўз ичига олувчи бош камерасида Zeiss оптикаси қўлланган.
Nokia 9 PureView қадоқданоқ Android 9.0 Pie операцион тизим талқини билан тақдим этилади. Android One дастурига кириши эса унинг камида икки йилгача тизим янгиланишларини олиб туришига кафолатдир. Ушбу смартфон симсиз қувватлаш технологиясига ҳам эга.
ЎҚИНГ: Яна битта арзон Nokia смартфони тайёр: жуфт камера, Android 9 ва NFC чипли!
