Windows 8.1 учун ҳаёт тугамоқда

Windows 8.1 учун ҳаёт тугамоқда

Microsoft кейинги ойдан бошлаб Windows 8.1 фойдаланувчиларига операцион тизимни қўллаб-қувватлаш 2023 йил 10 январида тугаши ҳақидаги билдиришномаларни юборишни бошлайди.

Aслида Windows 8 учун қўллаб-қувватлаш 2016 йилда якунланган, лекин Windows 8.1 версияси учун ҳаёт 2023 йилда тугайди. Компания Windows 7 машҳурлиги сабаб унинг учун қўллаб-қувватлаш якунланганда ҳам уч йил давомида кенгайтирилган хавфсизлик янгиланишлари юбориши маълум бўлган эди, аммо, Windows 8.1 учун бундай бўлмайди. Шундай экан бизнес эгалари ёки операцион тизимнинг янги версиясига ўтишлари ёки хавфни қабул қилишлари керак.

Microsoft ўзининг Windows'ини замонавийлаштириш ва асосан сенсорли қурилмалар, планшетларга ишониб улар учун оригинал Windows 8 версиясини чиқарганида компания компютерда ишлашнинг классик тажрибасини йўқотганлиги ва Start менюси тугмасини олиб ташлаганлиги учун жуда қаттиқ танқидга учраган эди. Шундан кейин компания ўз хатоларини тузатиш учун ушбу Windows 8.1 версиясини тақдим қилди, лекин шунга қарамай Windows 8 даври кўпчиликда негатив таассурот қолдирди.

Агар компютерингиз ҳали ҳам Windows 8.1 билан ишлаётган бўлса, компютерингиз тизим талабларига жавоб беришига қараб Windows 10 ёки Windows 11 га янгиланиш тавсия қилинади. Кўпгина Windows 8.1 компютерлари эски бўлгани сабаб Windows 11 талабларига жавоб бериши даргумон, шундай экан Microsoft сизга янги компютер сотиб олишни таклиф қилади.

Албатта, қўллаб-қувватлаш тугагандан кейин ҳам сиз Windows 8.1 дан фойдаланишни давом эттиришингиз мумкин, аммо, бунда сиз хавфсизлик таҳдидларидан анча кам ҳимояланган бўласиз.

ЎҚИНГ: Apple Pay тизимини Ўзбекистонда жорий этиш таклиф қилинди

Сайтимизнинг энг чиройли расмларини Инстаграмдаги саҳифамизда томоша қилинг!