Xbox Live ҳамда PS4 приставкаларида биргаликда ўйин ўйнаш мумкин бўлди
Microsoft компаниясининг ID@Xbox дастури раҳбари Крис Карлнинг маълум қилишича, компания ўзининг навбатдаги Xbox Live приставка платформасидан бу таъқиқни олиб ташлади ва энди электрон ўйин ишлаб чиқарувчилари Windows 10 операцион тизимида ишлайдиган Xbox One, PS4 ва компьютер приставкаларининг платформасига мувофиқ келадиган, уларда бир вақтнинг ўзида ўйнаса бўладиган видео ўйинларни яратишлари мумкин. Яъни, бу – FIFA ёки бошқа ўйинлар Xbox ва PlayStation платформасига мувофиқ ҳолда ишлаб чиқилади.
Xbox One ҳамда PlayStation 4 видео ўйин приставкалари платформаси ўртасидаги фарқ унчалик катта эмас. Аммо шу вақтга қадар бир вақтнинг ўзида уларда видео ўйинни ўйнаш имкони йўқ эди. Гап шундаки, Xbox ўйинларини фақатгина Xbox ҳамда ПК компьютер приставкаларида ўйнаса бўлар эди. Улар бошқа платформага тушмас эди. Мазкур таъқиқ Microsoft компанияси томонидан ўрнатилган эди.
Аввалига барча платформага мувофиқ келадиган ўйинлар Xbox ҳамда компьютер ўйинлари учун очиқ бўлади. Xbox Live приставкаси эса барча электрон ўйин платформалари учун очиқ бўлади. Агар Sony компанияси Microsoft’нинг ғоясига қаршилик қилмаса, PS4 фойдаланувчилари электрон ўйинларни ПК компьютерлари ҳамда Xbox One приставкаларига эга ўйинчилар билан биргаликда ўйнашлари мумкин.
Агар сизда Xbox приставкаси, дўстингизда эса PlayStation приставкаси бўлса, энди биргалашиб иккала ўйин қурилмаси ёрдамида ўйин ўнашингиз мумкин бўлади.
Шу кунга қадар дўстида PlayStation 4 приставкаси бўлган ўйинчи у билан ўйнаш учун худди шу русумдаги приставка сотиб олиши керак бўларди. Аммо энди улар Xbox One’ни ҳам сотиб олиши мумкин. Бу эса Sony’нинг приставкалари савдосига таъсир қилади. Шу сабабли ҳам, компаниянинг бу таклифни қўллаб-қувватлаши ёки рад этиши муҳим аҳамиятга эга.
Xbox ва ПК’да бир вақтда ўйнаш мумкин бўлган илк ўйин айни дамда оммалашаётган Rocket League футбол услубидаги пойга ўйини бўлади.
