Xiaomi 4G тармоғида ишлайдиган Mi Notebook Air ноутбукини намойиш қилди

Хитойнинг Xiaomi компанияси кутилганидай бугун Mi Notebook Air 4G номли ноутбукини тақдим қилди, деб хабар бермоқда Ferra нашри.

Ноутбук 4G мобил тармоғига улана олади, модель China Mobile мобил оператори билан ҳамкорликда тайёрланган. Ноутбук металл корпусда ишланган, 13,3 ва 12,6 дюймли версияларда сотувга чиқарилади. Mi Notebook Air 4G Full HD форматидаги экран, Intel Core m3 6Y30 процессори (12,6 дюймли версияда), 4 Гб тезкор ва 128 ГБ HDD билан жиҳозланади.

13,3 дюймли версияга эса Intel Core i5-6200U ёки Intel Core i7 процессори, NVIDIA Gefore GT 940MX графикаси, 8 Гб тезкор ва 256 ГБ HDD ўрнатилади.

Кичик моделнинг вазни 1,07 кг, каттасиники эса 1,28 кг. Автоном ишлаш вақти мутаносиб равишда 11,5 ва 9,5 соатни ташкил қилади. Иккала модель Windows 10 дастурида ишлайди.

Mi Notebook Air 4G кумушранг ва тилларанг вариантларда сотилади, нархи 676 (12,6 дюйм) ва 1005 (13,3 дюйм) доллардан иборат..