Xiaomi киносаноатда ўзини синаб кўрмоқчи бўлган
China-Review нашриниг хабар беришича, хитойлик Xiaomi компанияси таркибида фильм суратга олиш билан шуғулланадиган бўлим иш юритган. Хитой ОАВларининг ёзишича, Xiaomi Pictures номи билан юритилган мазкур бўлим ўтган 2017 йилнинг январь ойида тарқатиб юборилган, чунки компания ўзининг бор эътиборини электроника яратишга қаратмоқчи.
Эҳтимол, компания киносаноатга сармоя киритишда давом этар, аммо фильм яратиш устида ишламайди. Баъзи тасдиқланмаган маълумотларга қараганда Xiaomi бир қатор фильмларни суратга олишда қатнашишга ҳам улгурган. Ўтган йили Хитойда киносаноат соҳасида кутилган ўсиш кузатилмагани боис, балки Xiaomi ушбу ғоядан воз кечишга қарор қилгандир.
Умуман олганда, ҳар қандай бизнесга сармоя ажратиш ҳам бир томондан тўғри эмас (Xiaomi велосипедларни ижарага бериш бизнесида ҳам иштирок этади). Чунки бу ҳолат асосий бизнес йўналишидаги имкониятларни қўлдан бой беришга сабаб бўлиши мумкин.
