Xiaomi ўз смартфонларига MIUI X тайёрлаётганини тасдиқлади
Смартфонсозлик йўналишида ҳам жадал ривожланиб келаётган Xiaomi компанияси дастурчилари MIUI прошивкасининг навбатдаги талқинини тайёрлашга киришдилар. Корпорациянинг дастурий таъминот масалалари бўйича вице-президенти Хуан Лонжун иштирокида бўлиб ўтган Mi Live матбуот анжумани давомида бренд вакиллари буни тасдиқлашган.
ЎҚИНГ: Xiaomi смартфонлари учун MIUI 9.2 Global Stable чиқди – ўзгаришлар билан танишинг!
Топ-менежернинг сўзларига кўра, янги чиқадиган юбилей прошивкаси шунга мувофиқ номга эга бўлади. Балки, мазкур операцион тизим қобиғининг навбатдаги талқинини номлашда Xiaomi анъанавий рақамлардан воз кечиб, уни MIUI X деб номласа керак. Мазкур қадам Apple асос солган трендга эргашиш ҳисобланадими-йўқми – бу борада Лонжун бирор нима демаган.
Гарчи MIUI 9 версиясидаги прошивкани ҳали Xiaomi’нинг кўплаб қурилмаларига мослаб улгуришмаган бўлса-да, барибир MIUI X талқинини шу йилнинг ўзидаёқ тақдим этишмоқчи. Унда Xiaomi «сунъий идрок»ка кўпроқ эътибор қаратмоқчи. Шунингдек, янги прошивкада компаниянинг ўз овозли ёрдамчиси бўлиши, у инглиз ва хитой тилларида ишлаши мумкинлиги ҳам айтилмоқда. Бироқ бунисини ҳозирча шунчаки тахмин, дейишимиз мумкин.
ЎҚИНГ: Xiaomi’нинг янги смартфонлари сунъий идрокка ва фантастик имкониятларга эга бўлади
Бундан ташқари, компания вакилларининг таъкидлашича, Xiaomi смартфонларига ҳозирда босқичма-босқич тарқатилаётган MIUI 9 прошивкасининг якуний талқини режалаштирилган барча қурилмалар учун то Баҳор байрами (хитойча Янги йил), яъни 16 февралгача тақдим этиб тугатилади.
ЎҚИНГ: Xiaomi смартфонларини AliExpress орқали «Малика»дагидан арзонроққа олинг!