Янгича Galaxy S10+ чиқяпти. Бу Lite эмас
Samsung Galaxy S10+ борасида кичик бўлсада, қизиқарли янгилик. Тwitter'даги @StuffListings томонидан хабар қилинишича, Samsung'нинг 2020 йилги илк смартфони куни кеча TENAA томонидан сертфикатланди.
A new 6GB RAM variant of the Samsung Galaxy S10 Plus has recently received the TENAA certification.
— Mukul Sharma (@stufflistings) December 16, 2019
Feel free to retweet.@SamMobiles #Samsung #SamsungGalaxyS10Plus pic.twitter.com/gwdnvESnXU
TENAA листингига кўра, энди SM-G9750 модель рақамига эга қурилма (Galaxy S10+) нинг 6ГБлик версияси ҳам мавжуд бўлади. Жорий йил февраль ойида тақдим қилинганда, флагман — доимий хотира ҳажмига қараб — 8ГБ ёки 12ГБ оператив хотирага эга бўлган эди.
Листингда қора рангли Galaxy S10+ нинг расмлари ҳам кўрсатилган. Кўринишидан, дастлабки S10+ ва ушбу янги гаджет ўртасида дизайн борасида ҳеч қандай фарқ бўлмайди. Янги вариантдаги (ва арзонроқ бўлиши кутилаётган) флагман истеъмолчилари бой бўлмаган бозорлар учун чиқарилаётган бўлиши керак.