YouTube’даги энг оммабоп видеоларнинг 13 йиллик тарихини 4 дақиқалик битта видеода кўрамиз!
Дунё бўйича энг оммалашган видеохостинг – YouTube ресурсида роликлар сон-саноқсиз, лекин уларнинг ҳам энг кўп томоша қилинадиганлари бор. Reddit фойдаланувчилари унда кейинги 13 йил мобайнида энг кўп кўрилган ўнта лавҳа ҳақидаги маълумотни видео тарзида тайёрлашди.
ЎҚИНГ: Нақ юз миллион обуначига эга биринчи ва ягона YouTube-канал сизга ҳам ёқади!
Видео давомийлиги тахминан тўрт дақиқани ташкил этади ва у 2006 йилдан то 2019 йилгача бўлган даврни ўз ичига олади. Мазкур лавҳада видеохостингдаги шу йилларда энг оммабоп бўлган ўнта ролик ҳар бирининг кўришлар сони билан бирга, динамикаси билан акс эттирилган.
Гувоҳи бўлаётганингиздек, бошида – 2006 йили энг кўп кўрилган ролик Myspace — THE MOVIE бўлган – уни 2 791 321 марта кўришган. Кейин эса унинг ўрнига «Покемон»лар мавзусидаги видео чиққан. Шундан сўнг етакчилар рўйхатига мусиқий клиплар кирган: Жастин Бибер, PSY’нинг Gangnam Style қўшиғи...
Жорий йилнинг 21 май куни ҳолатига кўра, YouTube’даги энг оммабоп видео Despacito қўшиғига ишланган клипдир – уни 6 миллиард мартадан ошиқ кўришган.
ЎҚИНГ: YouTube’нинг пулли функциясидан Telegram орқали бепул ва рекламасиз фойдаланса бўлар экан!
