ZTE Axon 10 Pro 5G смартфони сотувга чиқиш санаси маълум қилинди
ZTE компанияси шу йил февралда, MWC 2019 кўргазмаси доирасида ўзининг янги – Axon 10 Pro 5G флагманини илк бора жамоатчиликка кўрсатган эди. Расмий намойишидан икки ой ўтиб қурилмага Хитойнинг JD.com онлайн интернет-дўкони буюртмалар қабул қила бошлади.
Смартфонга 6,47 дюмлик FHD+ аниқликдаги қайрилма AMOLED-дисплей ўрнатилган. 20 мегапикселлик селфи-камера эса «томчисимон» кемтикка жойлашган. Экран шунингдек дактилоскопли бўлиб, HDR 10 функциясини ҳам қўллаб-қувватлайди. Қурилма учталик камерадан иборат: 48 мегапикселлик асосий, 20 мегапексиллек кенг бурчакли ва 8 мегапикселлик телеобъектив модуллар.
Телефоннинг «юраги» сифатида SD 855 ва X50 5G модеми уйғунлашган процессор ўрин олган. Флагман 6/8/12 гигабайт оператив ва 128/256 ички хотирага эга бўлган ва янги F2FS файллар тизими қўлланган. Смартфон Android 9.0 бошқарув тизимига асосланган, ZTE компаниясининг MiFavor 9.0 график қобиғида ишлайди. Аккумулятор сиғими 4000 мА/соатлик бўлиб, 18 Ваттлик тезкор ҳамда симсиз қувватлаш функциясига эга.
Маълумотларга кўра, савдолар 7 май кунидан бошланади, бироқ нархлар хозирча номаълум. Флагманни 6/128, 8/256, 12/256 гигабайтли версияларда сотиб олиш мумкин.
ЎҚИНГ: Ҳамёнбоп P Smart Z – камераси корпусдан чиқувчи илк Huawei смартфони расмий суратда!