4 oktyabrda Google yana nimalarni namoyish qiladi?
Google kompaniyasi 4 oktyabr kuni bo‘lib o‘tadigan taqdimot marosimida Google Assistant’ni qo‘llab-quvvatlovchi o‘z Bluetooth-quloqchinini ham namoyish etadi. Bu xususda AndroidPolice saytiga asoslanib AndroidInsider yozgan.
Xabarga ko‘ra, quloqchin garxi ham uncha-muncha emas – naq 159 AQSh dollaridan boshlanadi. AndroidPolice manbalariga ko‘ra, quloqchin tik shaklda, Apple’ning BeatsX quloqchinlariga o‘xshash bo‘ladi.
Eslatib o‘tamiz, 4 oktyabrda Google o‘zining ikkita yangi smartfoni – Pixel 2 hamda Pixel 2 XL modellarini taqdim etishi kutilayotgan edi. Kompaniya mazkur taqdimot marosimini noan’anaviy tarzda ma’lum qilgan. Keyinroq esa, kompaniya shu kuni iPhone X’ga raqobatchi sifatida romsiz Ultra Pixel smartfonini ham taqdimotga tayyorlayotgani aniqlangan.
